يا عينى على المحروسه اللى كانت عروسه

×*× .. طـابـور , بحــكمـ , دكتـا , طــور .. ×*× قصـة المحـروسـة , إلـى كـانـت عـروسـة
اسمع يا سيدى أغرب قصة .. عن بلدى مصر المحروسة
دق الجرس وبدأت الحصة .. موضوعنا عن أحلى عروسة

كانت هى ام الدنيا .. وشعبها دايما فى رباط
لحد ماجات لها سونيا .. وكلتها زى البقسماط
مشيت بعد سبعين سنة .. وسابتها معاها عيال
سابتها مهدومة ومتنيلة .. لحد مالحقها جمال
عبد الناصر كان غلبان .. وكان برضه راجل على طول
كان نفسه يأكل كل جعان .. ويخلى اللحمة زى الفول
حلمه كان حلم جميل .. لاكن فاق منه على العدوان
فرنسا وبريطانيا وإسرائيل .. بدأو فى حاله من الجنان
بصمود الشعب فى بور سعيد .. والإسماعلية خرجوهم
كان شعب جامد وعنيد .. وفى الاخر خالص أحرجوهم
خلص العدوان وادينا .. وقفنا كلنا جنب جمال
جت اسرائيل خدت سينا .. ووقفت لحد القتال
وأدى النكسه تلاها تحنى .. بس الشعب ماوفقشى
علشانك ياجمال هنضحى .. وبالاحتلال مانقبلشى


راح جمال وقالو سادات .. قلنا يعنى هيعمـل إيــة ..؟
جمال المخلص خلاص مـات .. وراح الى إعتمدنـا عليـة .
بس السـادات طلع كبير .. وقدر يحرر أرضنا
قضى على جولدامائير .. وعرفيفرحنا كلنا
الخونه قتلو السادات .. وجابولنا بدالو حسنى المضيع
دخلنا للنت والتشات .. وخلا شعب مصر يشيع
من تلاتين سنه على قلبنا .. وعهدة فساد ورشوة وظلم
بقينا بندعى ربنا .. يهدينا ويرزقنا الحلم

بس الفرح بينه بعيد .. وبينه حيورث فى الحكم
حيخلى ابنه الملك الجديد .. وحنبقى شعب صم وبكم
بلدى حبيبتى الظلم هدمها .. والفساد خلص عليها
بعد ما فرحنا بإستقلالها .. مابقاش فيه حرية فيها
كل ظالم عايز ينهبها .. ومش عايز حد يجتهد ليها
والاخر نشوف شبابها .. هما الى بيخربو فيها
بعد البطاله والإدمان .. وبعد الفقر ما ساد فيها
نبقى إحنا الى ضيعنا الأمان .. وبعد كده نرمى عليها
هى مصر نقصه ياجدعان .. مش كفايا بقى بلاوى عليها
طيب ياحنان يا منان .. ألطف بينا وألطف بيها
لازم نعمل وقفة قوية .. ونقول لا للدكتا , طور
يمكن بلدنا تتقدم شوية .. ونلاقى حل للطابور

وعـجبـى عليـكـى يـاعـروسـة

مــع تحيـــاتــى