سحر النظر

موضوع: سحر النظر السبت أكتوبر 10, 2009 2:42 am

السلام عليكم ورحمة الله وبركاته
اسف على فتره الغياب واررجع لكم بهذه الابيات

أتمنى ان القصيدة تنال رضاكم ولو بالشي البسيط
فكما هي نابعه من القلب اتمنى ان تصل إلى القلووووووب

اتركم معها .

سحـر الـنظــر
أنا كتبتك شـعـر من شـان اغنـيك
ويزيد في حســن القصـيده حلاتك

أعذب حروف الشعر ماينكتب فيك
وكـل الكلام اللـي يعدد صفـاتـك

إنتـي جمـال الكون كلــه مغطيك
من هامتك حتى مـواطـن خطاتك

صمتك يزيد العشق من قلب مغليك
ويذوب مـن كلمة هلا من شفاتـــك

سحر النظر ماترجمة غير عينيـك
يكشف غموض اللي يخفي سكاتك

أمـر تدلل سـم حـاضر ولـبـيـك
لاصـار تعذيبي يمـيز حـيـاتـك

مادام موت الـلي يحــبك يسلـيك
روحه معك تمون سوى سواتك

وإن كان رحمة عاشقك من مباديك
أبقى رهين الحـب والحـسن ذاتك

قنوع مافكرت فـي ضمة يــديك
يكفيني أبقى في محيـط أمنياتـك

أنته سكون الليل عني ينسـيك
مرتاح فيه ومهتني في سباتك

وأنا سكونـة يقـلقـلة كـثر طاريـك
مشغول بالي كيف أحقق رضاتك

أسأل نجوم الـليـل عــنـي تـنـبـيـك
وتشرح لك اللي صاربي من قساتك

وقبل الرحيل المر تكفين أوصــــيك
(عـــلـــي ) يبقى معك من ذكرياتك