كيف تعرف انها تحبك

فى ناس كتير يا جماعه بتتجوز علشان دى سنة الحياه مش بتتجوز علشان هوه أو هيه بتحب الشخص ده ؛ طبعا كلنا عارفين ان هدف الزواج الأول انه سنه عن الرسول ،وانه وجاء للانسان وحفظ للإنسان من الوقوع فى الحرام، وإكثار الأمه الاسلاميه بإنجاب الأولاد والبنات المسلمين وغيرها من الأسباب ومش عيب ان أحد الاسباب دى يكون الحب . طاب أزاى تعرف انها بتحبك وإزاى تعرفى إنه بيحبك ؟
أنا هقول إجابه وأى حد عنده إجابه تانيه يا ريت يقول عليها .
أولا: بيكون عند الواحد احساس انها بتقبله وبتقبل كلامه وأى حاجه يقولها ( خلى بالكوا ان ده لسه مجرد إحساس) يعنى يكون مرتاح لها ويكون حاسس انها مرتحاله.
تانيا: لما يتأكد الواحد ان البنت دى ممكن تتغير علشانه تبقى البنت دى اكيد بتحبه .
ثالثا: لما البنت دى تتغير علشانه للأحسن مع انها مش وحشه بالعكس ممكن تكون كويسه جدا بس هيه حبه تكون أحسن علشانه ( ودى مرحلة الفعل)
أخر مرحله: لما تتجوزالبنت دى وتعرف إنها مش عايزه من الدنيا دى غيرك ( الحب الحقيقى )