صعب .. لما تضحك فى وش حبيبك
وإنت ماليك الخوف جواك
خوف من بكرة .. خوف من الضلمة
خوف من الدمعة .. خوف من الكلمة
خوف من بكرة .. لا يجى وهو مش وياك
خوف من الضلمة .. بعد النور يصبح مثواك
وآه من الدمعة .. لما بتجرح خد ملاك
أما الكلمة .. الخوف إنها متكونش أهواك
أو الخوف ألاقيك بتقول فى كلام
عمر ما قلبى عمله حساب
بس الخوف من الأصعب ..
إنى ألاقى فى يوم .. قلبك زى البحر
فى مده وجذره ..
صعب أغمص عينى وأفتح ..
ألقى الناس حواليه كتير .. بس ألاقيك إنت اللى بعيد
أوعى فى يوم يملاك اليأس
وتعيشنى فى لحظة شك ...
صعب عليه إنى أصدق ..
إنى فى بكرة مش وياك
أو بعنادك ليه تضيع أجمل عمر بعيشه معاك
أوعى فى يوم تحسب وتقول .. إن هواك خلانى ملاك
أنا وياك يا حبيبى ملاك ..
بس يا خوفى فى لحظة بعندى ..
يتحول قلبى لبحر هلاك ..
تغرق فيه وتتوه فيه أجمل أيام عشتها وياك
موضوع: صعب 
السبت أكتوبر 10, 2009 2:59 am
